Nuestro blog de DC/Gure CD Bloga

Gure azkenengo saioa, oporren aurretik, oso urrun ikusten da, ezta?   Ahalegin handiak egin behar ditugu gogorarazteko baina datorren astean hurrengo saioa daukagu eta burua kokatu behar dugu. Gogoratzen duzue zer egin genuen?

Flickrretik hartuta

Ba, bai. Aurreko egunean, bideoaz aritu ginen. Movie Maker programa erabiliz bideo txiki bat sortu genuen. Gogoratzen duzuenez programa honek bi abentaila dauka:  alde batetik, Windows sistemaren programa da eta ordenagailu guztietan topa daiteke; beste aldetik, oso erabilgarria eta erakargarria gertatzen da.

Baina, beti bezala, garrantzitsuena zera da: zertarako erabili? Ikuspuntu desberdinetatik zailkatu ahal ditugu posibilitateak baina nik hiru hildo desberdin hauek ikusten ditut:

A) ikaslea ikuslea denean, interneten topatuta edota guk egindako bideoak erabili ahal ditugu…

• entzumena lantzeko
• motibatzeko, girotzeko
• gai bat aurkezteko 
• gai baten inguruan informazioa emateko
• beste lan baten abaipuntua izateko (bideoan oinarrituta istorio bat edo berri bat edo artikulu bat… sortzea)
• …

B) ikaslea sortzailea denenan erabili ahal dugu…

• iragarki bat egiteko
• ipuin/grafiko bat  sortzeko
• bideo-klipak egiteko
• errreportai grafikoak egiteko
• filma laburrak egiteko
• …

C) ikasleak betetzen dituen ahozko jarduerak erabili ahal dugu…

• antzerki saioak
• ahozko azalpenak
• elkarrizketak
• teleberriak
• …

grabatzeko (guk geuk edo haiek).

Esteken bitartez hainbat adibide eskeini dizkizuet. Beste adibide moduan, hemen daukazue Lourdes Domenechek proposatutako jarduera bat. Kasu honetan, aspektu konkretu bat lantzeko egokiak diren bideoak biltzen dira ikasleek azter ditzaketen.

Argitu duzue burua apur bat? Laster arte