Nuestro blog de DC/Gure CD Bloga

Aurreko saioan ezin izan genuen bete gure helburua, glogster amaitzea, zeren eta programak ez zuela funtzionatzen. Plana aldatu eta Denboraren lerroekin hasi ginen lanean. Dipity programan sartu eta lehenengo urratsak eman genituen. Beraz, bihar, bata edo bestearekin ahal dugu jarraitu.

Getxoko Edublogs Topaketetan eman genuen tailerrean bietarako tutorialak topa ditzakezue (sartu gonbidatu moduan eta bilatu “Herramientas 2.0 para alimentar tu blog y su utilización didáctica”).

Edozelan ere bihar zerbait amaitu beharko dugu, ezta?

Bihar arte!

Google irudietatik hartuta

Biharko saioan aurrekoan hasitako posterra osatuko dugu. Tresna erraza da baina daukagun konexio traketsagatik prozesua burutzeko denbora behar dugu.  

Kide bakoitzak posterrari xedea eta eduki desberdinak emango die. Horrela, denon artean Glogsterren erabilera anitzak topatuko ditugu. Ea bihar lana amaitzen dugun ekoizpenak blogean eskegitzeko.

Aurreikusita zegoenez, GLOGSTER programarekin hasi ginen trasteazten.

Ataza zera izan zen: bakoitzak gelan landuko duen gai batekin lotutako poster bat osatu. Helburua da programa erabiltzen ikasten dugun bitartean zerbait erabilgarria egitea; tresnari aplikazioa ikusi behar diogu hasieratik.

Hurrengo saioan beteko dugu ataza. Emaitzak, hau da, posterrak edo glogsterrak hemen argitaratuko ditugu.

Aurreko saioan erabaki genuenez bihar poster digitalak sortzeko programa bat erabiltzen iksasiko dugu: GLOGSTER.

Zergatik programa hau? Alde batetik, erabilera oso erreza delako eta beste aldetik aukera paregabeak ematen dituelako. Poster interaktibo multimedia honetan txertatu ahal ditugu testuak, audioak, bideoak, estekak…, eta hori guztia oso diseinu erakargarri batekin. Horrez gain, blogean ere txertatu ahal dugu

Zertarako erabili ahal dugu? Hainbat gauzetarako: ahozko azalpen bat egiteko, iragarki bat sortzeko, kanpaina bat egiteko, gida turistikoa osatzeko, erakusketa bat montatzeko, …

Hemen ikus dezakezue programa hau erabiltzeko Bloggeando taldekideok egin dugun Tutorial bat

Edublogs 09 Topaketetan eman genuen taller batean (gonbidatu moduan sartu) erabilitako materiala ere topa dezakezue. Bide batez, aipatzekoa da Edublogs 09 Topaketetan ,hain zuzen ere, posterren bidez esperientziak aurkezteko zegoen atalean  Glogster programarekin egindako poster asko ikusi genituela, oso programa erabilgarria da eta.

Hemen ikusi ahal dira adibide batzuk:

• Glogster zer den azaltzeko Marije Uragak egindako posterra
• Bloggeando kideok, programaren arrakasta ikusita, egin genuen Glogsterren Glogsterra  

Orain, gure txanda da!